2014年7月27日 星期日

[轉貼] 前美容YouTuber雨僑發聲 稱行業已扭曲崩壞


前美容YouTuber兼藝人雨僑(Ava)發聲就近日Beauty Beggar浪潮在Facebook撰文,指出全職美容YouTuber價值觀扭曲,已淪為品牌打手,如泡沫爆破,更間接承認業界存在「買Fans買Views」。

「我無做"廣告blogger"快將一年了。

對上一個product placement YouTube video係去年9月嘅Philips洗面機,真心幾好用,問題只係的唔的得起心肝用。 這一年間,我每次登台來回三日勁歌熱舞,同我拍一段假分享video賺嘅錢一樣,但我的良心輕鬆愉快多了。可能我有一份收入穩定的工作, 有自己的品牌,沒接這類型工作對我影響不大,但真正原因,是因為beauty blogger 一行,有如model界一樣,已直插谷底,如泡沫爆破


我每一次被邀請,都必先和客顧開會,「喂你枝粉底真心好lup, 不如主力sell 平?」「你枝唇膏真係好乾,不如討論下性價比」問清楚成分,自己試用過再隱惡揚善,連激光脱毛都俾我由波長同原理問起,雖然未必得到客戶或者agency認同,但總算過到自己。試過一次,度好角度,諗好成個包裝,提議埋橋段,錢都收埋片都出埋街,點知同時有七個blogger 以同一橋段sell 同一產品,此時,我知道我應該離開了。當然,隨後我開的辣爆條件接近全香港agency都唔會再搵我,但係,我當客戶唔識,你地都知咁sell法係幫唔到個産品?點解咁樣一齊去摧毀個product會過到自己?


此外,任何真心分享,朋友有好産品但無人識,都唔再得到觀眾認同,就連大拿拿俾左萬二蚊學車嘅駕駛學院,都會被懷疑product placement,其實,人地只係包容我無限改時間,已經好抵讚。
呢個風氣,令全香港都多左份疑心,少左份感激。


其實,近所有女星、blogger都會收到每個品牌新product, 我選擇以感謝之情post禮物照,遇到有客戶邀請product placement廣告, 我同樣會繼續開我啲辣爆條件(唔係個價錢,係要雙方認同點樣去sell個産品,點解你係最好,如果你唔夠人好,會唔會講下下性價比) ,有緣人自然可以合作。而且,好似蔡太、針清王、雙眼皮貼,如果我收佣金,我就發死了,但係我認為, 真心好,我分享左,姊妹們有得著,已經係一個Beaty blogger最大成就。


香港地,搵食艱難,然而絶處逢生有一班靠寫專欄,拍片為生嘅網絡紅人,成本極低(當然要有一定才華,例如presentation skills),可能買下器材、粉絲量同點擊率,方便同客戶叫價,但係呢個低成本工作如果成為正職,好容易形成歪曲的價值觀。


有人問我,呀邊個blogger product placement 賺十幾萬一個月,呀邊個介紹人去做facial收30萬佣....哇...聽落我好蝕底,但係,有種快樂和成就感,錢是買不到的
姊妹們,共勉之。」


有美容YouTuber走出來發聲,夠公信力未?盲粉們,醒未?

面書原文: https://www.facebook.com/permalink.php?story_fbid=472161029585362&id=171600656308069

7 則留言: